Champhaiah bank ṭangkaina zirho

Reserve Bank of India (RBI) bultumin tun hnai khan Champhai IPR auditorium-ah tlawmngai pawl, khawtlang hruaitute leh thuthar thehdarhtute tan bank ṭangkaina leh inbumna chungchang zirho a ni.

Training hmanpuitu Champhai addl. DC chuan training hi pawisa lama inbumna thleng
ṭhin, Mizoramah pawh chiahpuam avanga kan buaina ang kha a thlen tawh lohna tura Chief Secretary hmalakna buatsaih a nih thu sawiin, "Inbumna pumpelh tur hi chuan bank-ah kan sum hi dah ila a him ber a ni," a ti.

Duhamna avangin sum chan theih a nih thu sawiin RBI hnathawkte chuan, "Kan sum chan tur kan hum hian pawisa kan thawk chhuak tluk a nih avangin duhamna avanga hetianga pawisa hlawh theih anga sawi hi pumpelh a ṭul. Pawisa hi kan fate anga ngaih tur a ni a, nupui pasal an neih dawna an neih turte kan zirchiang ang hian kan dahna tur chu a him em tih kan finfiah hmasa tur a ni," an ti.

Training-ah ATM card leh pin-te chu inbumna atan midangin an hman theih avangin pawisa hlawhna pawh nise midang hmantir a him loh dan te, a pung tlema loan pek; pawisa tam tham tak dawn anga inhriattirna, online auction leh member nih hmanga hamṭhatna dawn tur awm anga sawite hi inbumna tlanglawn ber a nih thute sawilan a ni.