Khauh zawka ui khuahkhirh rêl

Serchhip bawrhsap Paul L Khuma hoin August 31, Thawhṭannia Serchhip khawpuia veng hrang hrang VC president-te leh YMA Sub Headquarter hruaitute ṭhukhawm chuan khauh zawka ui khuahkhirh an rêl.

Ṭhutkhawma tarlan danin, August 11, 2026 khan Serchhip DC chuan ui khuahkhirhna tur hriattirna a tichhuak a, mahse, ui khuahkhirh loa chhuak a la awm ṭhin bakah, mi dang tan harsatna an thlen tih hriat a ni. Hei vang hian khawng lehzuala hmalak tum a ni a, magistrate, police leh vantlang hruaitute pawl hrang hrangah insiamin, veng hrang hrang an endik ṭhin dawn a ni.

Khawlaia ui chhuak hmuh a nih chuan man a nih dawn bakah, a neitute lakah District Magistrate-in criminal complaint a siam ṭhin dawn tih tarlan a ni. Khawlai khuahkhirh loa ui chhuah hi BNSS Section 163 hmanga khap a ni a, ui neitu chu kum khat thleng lung-ina tàntir emaw, Rs 5,000 thleng chawitir emaw, a pahnih emawa hrem theih a ni.