Mi 75 hnenah CM Special Package hlan

Advicer to chief minister Dr Lorrain Lalpekliana Chinzah, Lawngtlai East bialtu MLA chuan nimin khan Lawngtlai DC conference hall-ah Handholding scheme atana Commerce & Industies department-in progress partner atana an thlan mi 75 hnenah Chief Minister's Special Package Rs 50,000 ṭheuh a hlan.

Dr Lorrain Lalpekliana Chinzah chuan, Bána Kaih kaltlangin mi taima leh hlawhtlin tum tak takte'n leirem an rah theih nan sorkarin ṭanpuina a pek thu a sawi a, "A dawngtute'n theihtawp in chhuah a pawimawh. Sorkar mek hi thlei bik nei lo leh mipui sorkar a nihna ang takin mipui tan theihtawp chhuahin hna a thawk a, Bana Kaih Phase I leh II hi mi ṭhahnem takin dinchhuahpui nan an hmang tawh," a ti a; Bána Kaih Phase III kalpui ṭan leh mek a nih thu a sawi.

Bána Kaih chu hmalak danah a innghah thu sawiin Dr Lorrain Lalpekliana chuan, "Dik leh ṭha taka thawk, mi taima leh dinchhuahpui tak tak turte hnenah chauh pek a ni zel tawh dawn a, mahni trade dilna ang taka sum leh pai pawh hman tur a ni a, thil dangah pawhpên a thiang lo," a ti.

Ṭanpuina sem inkhawm hi Lawngtlai district bawrhsap Donny Lalruatsanga'n a kaihruai a; chawhnuah progress partner-te pualin training & briefing buatsaih a ni.