SWD Minister-in Tribal Art Centre tana Kelsih khuain ram an pek phal a enfiah

Social Welfare department (SAD) minister Dr K Beichhua chuan nimin khan Kelsih khawtlangin Tribal Art Centre sakna atana ram an pek phal hmun a enfiah.

Dr K Beichhua chuan, Tribal Art Centre dinna atan Ministry of Tribal Affairs-in cheng vbc. 20.28 a remtih thu sawiin, "Kelsih khawtlangin ram pek min phalsak hi a hmunhma chu duhthusam a ni. A panna kawng erawh a hautak deuh a, approach road siamna atan sum sanction tel a ni si lo. PWD lamin a panna kawng atana hma min laksak theih chuan hmun duhthusam a ni," a ti.

Tribal Art Centre sakna atan hian Ministry of Tribal Affairs chuan cheng vbc. 20.28 ruahman aṭangin cheng nuai 440 vel a sanction tawh a, a sakna tur hmun tihfel a la nih loh vangin hna thawh ṭan a la ni lo. Ministry chuan SWD-te first instalment hmanga an hnathawh dan thehlut turin an tur reng tawh a, hnathawh dan thehluh a nih veleh instalment dang sanction a ni ang.

SWD Minister hi bialtu MLA F Lalnunmawia, SWD secretary K Vanlalrawni leh Kelsih khawtlang hruaitute'n an ṭawiawm a ni. 

Kelsih khawtlang hian an khaw ram, khua aṭanga km. 6 vela mi chu hectare 7.5 vel SWD hnenah a thlawnin an pe phal a ni.