VC-te thuneihna sang zawk pek tum

Local Administration department (LAD) minister K Lalrinliana chuan, village council-te'n thuneihna sang zawk an neih theihna atan ruahmanna siam mek a nih thu a sawi.

Kolasib District Taek­wondo Association (KDATA)-in nimina Bang­lalui, Kolasiba minister a nih lawmpuina inkhawm an buatsaihah K Lalrinliana chuan, "VC-te'n thuneihna sang zawk an neih theihna tur pawh ruahmanna siam mek a ni a, hemi atan hian Panchayati Raj chu Mizo rílrem zawnga her danglam turin ruahmanna siamṭhat­tir mek a ni," a ti.

Supply minister ni bawk K Lalrinliana chuan, "Ra­tion chini sem a nih theih nan ruahmanna siam a ni a, khawnvar tui litre khat lek lek a sem a nih ṭhin pawh a tlem tham deuh avangin tam zawka sem tum a ni," a ti a; MNF sorkar chuan inthlan hmaa mipui hmaa an thu lo tiam tawhte tihlawhtling turin chak taka a bawhzui mek thu a sawi.