Minister-in Champhai damdawi-in tlawh

Champhai South bialtu MLA TJ Lalnuntluanga, minister of state chuan January 3, Ningani khan Champhai District Hospital a tlawh a, damdawi-ina mamawh hrang hrangte a sawipui.

TJ Lalnuntluanga chuan, Champhai District Hospital tihchangtlun zel chu a duhthusam a nih thu a sawiin, "Damdawi-in mamawhte chu short term-ah leh long term policy-a kalpui tum a ni. Short term-ah chuan doctor leh nurse bakah, thawktu dang eng emaw zat damdawi-in hian a neih belh ka beisei," a ti.

Minister chuan, Champhai mipuite bakah, khawchhak lam thleng pawha pan tlak damdawi-in a nih theihna tur leh Aizawl pan kher ngai loa Champhaiah thlamuang taka mipuite an awm theihna turin district hospital chu thuam a duh thu a sawi a; damdawi-ina thawktute chu hmun dan pan kher ngai lo tura an mamawhte a sawipui nghal.

Minister sàwmna angin damdawi-in thawktute chuan an mamawhte an sawi a, chu'ngte chu Aizawla a lêt veleh Chief Minister leh Health Minister sawipui a tum thu TJ Lanun­tluanga chuan a sawi a ni.