Hnam dang nei lo turin inzirtir

Mizo Zirlai Pawl chuan nimin khan sikul hrang hrangah 'Hnam dang nupui pasal nei lo tura inzirtirna ni' an hmang a; zirlai eng emaw zatin mahni hnampui ngei nupui pasal atana nei turin thu an tiam.

MZP hian kum 2015 aṭang khan kum tin September 2 hi 'Hnam dang nupui pasal nei lo tura inzirtirna ni' atan an hmang a, niminah pawh Aizawl bakah district ṭhenkhatah an hmang. Aizawlah chuan St. Joseph HSS, Mt. Carmel School, JL HSS, St. Anthony's HSS, Solomons’ High School leh Greenland HSS-ahte hun an hmang a ni.