Telangana Health dept study team-in Directorate of Nursing kalphung an zir

Mizoram sorkara Directorate of Nursing din dan, inrêlbâwl dan leh a hmalaknate zir turin Telangana state sorkar aṭangin study team an rawn zin a; nimin khan Health & Family Welfare minister Lalrinpuii an kawm bakah, Directorate of Nursing pisa an tlawh.

Telangana Directorate of Medical Education study team member-te hi Health deputy director S Nagarjuna, superintendent Dr T Usha Rani leh Secunderabad College of Nursing principal Prof. R Hansli te an ni a; Telangana sorkarin Directorate of Nursing din a tum mek avangin, Mizoram sorkarin Directorare of Nursing a kalpui dan an rawn zir a ni.

Study team hian nimin chawhma khan Health minister Lalrinpuii chu a pisaah an hmu a, an rawn zin chhan leh Telangana sorkar hmalaknate an hrilh. Health Minister an hmuh hnuah Directorate of Nursing pisa a tlawh a, joint director Lalchhanhimi kaihhruaiin an inkawm.

Inkawmhonaah hian Mizoram sorkarin Directorate of Nursing a din dan te, an kalphung, inrêlbâwl dan, hmalakna leh hnathawh te an inhrilhfiah a ni. Study team hian vawiinah zir chianna hi an nei leh ang.