Tourist ILP chungchang sawiho

Chief minister Lalduhoma hoin nimin khan CMO conference hall-ah khualzin (tourist)-te tana inner line permit (ILP) pek leh a kaihhnawih thilte sawiho a ni a; Tourism minister Lalnghinglova Hmar leh Mizoram Tourism Development Authority chief executive officer R Lalrodingi bakah mi pawimawh dangte an tel.

Ṭhutkhawmah hian Mizorama khualzin pung zelin a ken tel thil hrang hrang te, state pawn lam mi khualzinte'n ILP man an chawi chungchang te, Mizoram Registration of Tourist Trade Rules 2020 hnuaia registration chungchang te, phal chin aia rei Mizorama châmte man chhuah dan tur leh, ILP Apps chungchangte sawi a ni a; Home department nen la thlirho leh turin an dah.