Police-in kuhva rah an man

Khawzawl Police-te chuan nimin zing dar 4 vel khan Chawngtlai daiah Lalrinchhana, Champhai Tlangsam khalh truck aṭangin kuhva rah ip 180 (kg 14,400), cheng nuai 36 hùa chhût an man. Kuhva rah hi thuhretute hmuh laiin an man a, Custom Preventive Force, Champhai hnenah an hlan.

Police aṭanga thu dawn danin, kuhva rah phurtu truck hian Champhai Police Check Gate a paltlang lai chuan phurh a nei lo a; truck khalhtu hian Khawzawl leh Champhai inkara Tuipui chhehvel kudam aṭangin kuhva rah a hláng niin a sawi.