Ṭhálah kawng kan siam dawn - PWD Minister

PWD minister Vanlalhlana chuan, fûr ruahtui a reh hunah Mizorama kawngpuite siam a nih dawn thu a sawi.

Vanglaini palai zawhna chhangin PWD Minister chuan, tun dinhmunah kawng siam hna thawh hleihtheih a nih loh thu a sawi a, "Ṭhál a rawn thlen hunah kawng siam ṭan nghal a ni dawn," a ti.

Vanlalhlana chuan, kawng siam tura an inbuatsaih thu sawiin, "Kawng siam tur hian pawisa kan nei vek tawh," a ti a, kawngte chu theihtawp chhuaha an siam dawn thu a sawi.

PWD Minister hian August 27, 2026-a Assembly session-ah fûr ruahtui tam a reh veleh kawng thlan bik 19 siam a nih dawn thu a lo sawi tawh a; district khawpuiah kawng a chhia tih an hriat thu sawiin, "State capital-ah bul kan ṭan a, Aizawl khawpui kawng ṭhate hi in rawn sawi chhuah ka ring a nia," a ti a, district khawpui kawng an hmabak thu a sawi a ni.