KHAWTHLIR

Heroin man

Assam Rifles leh Zokhawthar police-te chuan nimin khan Zokhawthara Iron Gate an tihah Myanmar lam mi pakhat hnen aṭangin heroin gram 155 an man a, police-in thubuai an ziak lut. September 3, Ningani pawh khan AR leh Excise & Narcotics department mite chuan Champhai Zote-ah mi pakhat hnen aṭangin heroin gram 14.4 an ma bawk a, Excise & Narcotics department-in thubuai an ziak lut a ni.

Theme song tlangzarh

UPC (NEI) General PYD president Rev. C Lalmalsawma chuan nizan khan General PYD Conference vawi 48-na theme song atan Lalhruaitluanga Sailo phuah, 'Thih thlengin rinawmin lo awm rawh' tih hla a tlangzarh. General PYD Conference hi October 30 - November 1, 2026 chhungin Thenzawlah neih a ni ang.

Free medical clinic

Zo Inspiration Foundation chuan nimin khan Farkawnah free medical clinic an buatsaih a; doctor-te leh damdawi lam thiamte'n mi 662 hriselna an endik a, damdawi Rs 3,00,000 hû an sem bawk.

SIR Final Roll tlangzarh dawn

Election Commission of India ruahman angin Mizorama elctoral roll endik runpui, Special Intensive Revision (SIR) chu a hmáwr bàwk a ni dawn hnai a, January 7, 2026 Thawhṭanni chawhma dar 11-ah final electoral roll tlangzarh a ni dawn. SIR 2026 Final Electoral Roll tlangzarh turah hian Chief Electoral Officer pisa leh district tina district election officer-te chu an inbuatsaih mek a; nimin khan district tinah DEO-te kaihhruaiin Election official te, political party leh tlawmngai pawl aiawhte leh chanchinbumite ṭhukhawmin, an inbuatsaih a ni.

Vanuatu-ah sawn

Sorkar laipui chuan Mizo IFS officer Muanpuii Saiawi chu Republic of Vanuatu-a India high commissioner atan a ruat. Muanpuii Saiawi hi Indian Foreign Service 2005 batch a ni a, New Zealand-ah India high commissioner a ni mek a, South Korea, Japan leh Israel-ah te pawh a lo thawk tawh a ni.