Tourism Minister-in hotel a hawng

Tourism minister Lalnghinglova Hmar chuan nimin khan Ronnie Rosanga Varte-in Sihhmuia a din, Changel Hotel & Resort a hawng.

Lalnghinglova Hmar chuan, tun hnaiah khualzin an pun nasat thu sawiin, "Khualzinte hi an inang lo em em a, a ṭhen chu mi hausa leh dinhmun sang takte an ni a, khualṭha thlen nan hotel ṭha kan mamawh a, mimal sumdawnna ni mah se, kan ramin a mamawh em em a ni," a ti.

Tourism Minister chuan, Sihhmui chu hla viau angin lang mah se, airport leh rel chawlhhmun hnaih a nih avangin Changel Hotel & Resort chu khualzinte thlenna atan hmun remchang tak a nih dawn thu a sawi bawk.