Larsapin MIS officer tharte a fuih

Governor Gen. Dr Vijay Kumar Singh chuan September 3, Ningani khan Lok Bhavan-ah Orientation and Exposure Programme nei mek Mizoram Information Service (MIS) officer thar (2026 batch)-te a kâwm a; mipui hnena thu belhchian dâwl thlen leh mipui zirtir kawngah fimkhur taka thawk turin a chah.

Larsap chuan, social media-in mipui nun a luah hneh avangin thu dik leh rintlak puanzar a pawimawh thu a sawi a, "Thu belhchian dâwl mipui hnena thlen leh zirtir kawnga pawimawh tak in ni a, fimkhur a ṭul. Sorkar thuchhuah, scheme, project leh programme pawimawh hrang hrang puanzar leh zirtir kawngah rilru fim tak pua hmalak a ngai a ni," a ti.

MIS officer-te chu mipui nena inthlun zawmna ṭha tak siam ngai pawimawh tura chahin Gen. VK Singh chuan, "Hawiher tihzauh a pawimawh a, thiamna hrang hrang in neihte Mizoram tan ṭangkai taka in hman a ṭul a ni," a ti a; rilru fîm pu tur te, intuaihriam reng tur leh, ṭawng hrang hrang thiam tum turin a chah a ni.