Assembly Speaker-in hawng

Assembly speaker Lalbiakzama chuan September 5, Inrinni khan a bial Chalfilh constituency-a Sesawngah volleyball court thar a hawng.

Lalbiakzama chuan, Sesawng volleyball court thar chu ṭhalaite'n nun hrisel zawk an neih theihna tur ni se a duh thu leh, volleyball court hungna, light system leh a kotlang tinghettu tur retaining wall-te pawh ngaihtuah zui zel a tum thu a sawi.

Sesawng volleyball court hmun hi VC te pek niin, sorkar puihnain volleyball court puitling ni tura tehfung angte tlin turin siamṭhat leh tihphuisui ngaite thawh a ni a; volleyball court-ah hian gallery chung nei, infiammite inthlakna in bakah substitute leh team management-te ṭhutna bench-te siam a ni.

Speaker hian Sesawnga leiminin a tihchhiat Lalṭanpuia (L) leh Khawpuithara te in pawh a tlawh a, in chung tur rangva a pe nghal bawk.