Hlimen-in Lalsavunga Park khâr zui zel; Park tlawh tuma kal thlâwn an tam

Hlimen Local Council (LC) leh an venga pawl hrang hrangte (all NGO) chuan Lalsavunga Park enkawltu contract titàwp tura sorkar an phût avangin Lalsavunga Park an la khâr chhunzawm zel. Park khâr a ni tih hre loa tlawh tuma kal, tlawh thei loa kîr leh eng emaw zat an awm tawh.

Hlimen khawtlang hian Lalsavunga Park enkawltuin a tih tur hrang hrangte ti loin, a ngaihthah hle nia an hriat avangin a enkawltu chu bàn (contract titawp) turin sorkar an phût a; an hun tiam chhunga bàn a nih loh avangin September 1, 2026 aṭang khan Park an khâr a ni.

Lalsavunga Park an khâr avang hian mi an luh loh nan Hlimen YMA an duty ṭhin a, YMA section hrang hrangte'n an invên chhâwk thin. Khawtlang hruaitute chuan, an thil phût tihhlawhtlin a nih loh chuan an hmalakna chu an chhunzawm zel dawn thu an sawi.

Thu dawn danin, Lalsavunga Park tlawh tuma kal, khawtlangin an khar avanga tlawh thei loa kir leh mi ṭhahnem tak an awm tawh a; chung zinga a tam ber chu hnam dang khualzin an nih rualin, Mizo pawh an awm nual a ni.