Smart meter & bill-a complaint 262 lut zinga 77% chinfel nghal a ni

Power & Electricity department chuan nimin aṭang khan Aizawla smart meter leh electric bill chungchanga harsatna neite tan a bik taka complaint thehluh leh chinfel rûnpui a kalpui ṭan a; nimin khan complaint 262 lutin, chu'ng zinga 77% chu an chingfel nghal.

Sorkar thuchhuah tarlan danin, complaint rûnpui hi September 10, 2026 thleng buatsaih a ni dawn a; hemi chhung hian Aizawla Power and Electricity department site office/bill complaint centre tinah thawktu ruat bikte'n chawhma dar 10 aṭanga tlai dar 5 thleng an ṭhut chilh a ni.

Nimin khan Aizawla complaint centre hrang hrangah consumer-te aṭangin complaint 262 an dawng a, chu'ng zinga 77% chu chinfel nghal niin, la chinfel lohte chu a tahtawla buaipui zel tur a ni. Phone hmanga hriat chian duh neite tan complaint centre phone number siam a ni bawk.