Mobilization AIDS Suraksha-ah Saitual district-in hma an la ṭha

National AIDS Control Organisation (NACO)-in India ram puma Mobilization AIDS Suraksha (MAS) campaign a buatsaihah Saitual district chu Mizorama hma la ṭha ber leh hlen tur (goal) hlen phâk awm chhun a ni.

Sorkar thuchhuah tarlan danin, NACO-in MAS campaign a kalpuiah hian district/state tinte chu surakshit status (goal) 95-95-95 neih a ngai. MAS campaign hi February 2026 aṭang khan kalpui a ni a; district tinah DC hoa hmalak dan tur rêl ṭhin niin, hmasawnnate enho ṭhin a ni.

August 2026 report luta a lan danin, Saitual district chuan Surakshit (95 pathum pha vek) a ni a, Mizorama he dinhmun ni thei awm chhun district a ni.

95-95-95 SAWIFIAHNA

■ 1st 95: NACO-in HIV vei awm zat tura a chhût aṭanga 95% aia tlem loin HIV an vei leh vei loh an hre tur a ni.

■ 2nd 95: HIV+ zinga 95%-in ART damdawi an ei tur a ni.

■ 3rd 95: ART damdawi ei zinga 95%-te chu damdawi-in natna hrik (virus) che thei loin a siam tur a ni.