Kolasib DC leh Cachar DC inkâwm; Inter State Border Festival an sawiho

Kolasib district-a sorkar hotute leh Cachar district-a sorkar hotute nimin khan Cachar DC conference hall-ah bawrhsap ve ve kaihhruaiin an inkawm a; October 30, 2026-a Vairengtea Inter State Border Festival buatsaih tur chungchang leh hmasawnna tura thawhho dan turte an sawiho.

Bawrhsap pahnih hian Vairengtea Inter State Border Festival buatsaih tur chu hlawhtling taka hman a nih theih nan theihtawpa thawkho turin thil pawimawhte an sawi a; Festival-ah futsal, badminton, volleyball leh table tennis-ah te infiamna buatsaih a nih dawn bakah, hnam lâm chi hrang hrang entir a ni dawn a, ATMA leh MzSRLM ten stall an siam bawk ang.

Nimina inkawmnaah hian, Mizoram-Assam ramri hnaiha cheng mipuite ralmuang leh thlamuang taka an awm theih dan tur te, ruihhlo donaah tha thlah loa thawhho dan tur te, hmasawnna kawng hrang hranga thawhho dan tur sawi a ni bawk.

Inkawmnaah hian Kolasib SP Lalrinpuia Varte leh Cachar SP Partha Protim Das te pawh an tel a; Kolasib district ṭam aṭangin DRDO Lalmuanpuia, IPRO David A Lalhmingchhuana, Agricultural Technology Management Agency (ATMA) project director Dr Benjamin Lalduhawma te pawh an tel a ni.