Lunglei district-ah rualbanlo 1,414

Lunglei dbawrhsap Navneet Mann hoin nimin khan Lunglei district-a vohbik (Persons with Disabilities - PwD)-te chawi kanna tura hmalakna, Project LEAP (Lunglei's Empowerment for Access and Equity for all Persons) hmalakna kal mek leh hmachhawpte sawiho a ni. Lunglei district-ah rualbanlo 1,414 chhinchhiah tawh a nih thu an tarlang.

Tarlan danin, Lunglei district-a vohbik (PwD)-te dinhmun zirchianna kalpui tawh chinah PwD 1,414 chhinchhiah an ni tawh a, chu'ng mite tan chuan hmun hrang hrangah hriselna dinhmun endikna buatsaih a ni. Vohbik 867 endik tawh zinga 437 chu Unique Disability Identity (UDID) siamsak an ni tawh a, siam hmabak 430 an la awm.

UDID la siamsak lohte chu Aadhaar leh phone number thlun zawm fuh loh vang leh inbiak pawh harsat vangte a ni a, a rang lama chingfel turin hmalak a rel. Rualbanlo la chhinchhiah lohte zawng chhuak turin September 2026 chhungin in tina kal chilha zirchianna leh inchhiarna neih an rel bawk.

Rualbanlo chhin-chhiah tawh, an dinhmun la endik lohte leh chhinchhiah belhte tan September 2026 chhungin Lungleiah health assessment camp buatsaih ni se, October-December 2026 chhungin RD block tina khaw hrang hrangah buatsaih leh ni se, an ti.

Kumin chhungin ALIMCO nen ṭang duna hmanrua (assistive device) sem leh dan tur te, a bika enkawl ngai naupang (Children with Special Needs)-te zirchianna kalpui dan tur leh, an tana hmalak dan turte sawiho a ni bawk.