Mizoramah thla 8 chhungin lirthei chesualah mi 68 thi
Mizoram Police-in an chhinchhiah danin, kumin 2026-ah January - August chhungin Mizoramah lirthei chetsualna avangin mi 68 an thi a, mi 40 an hliam.
Aizawl Traffic Police-in Mizoram Police record an tarlan danin, January 1 - August 31, 2026, thla riat chhunga Mizorama chetsualna thleng zinga 62-ah mi 68 an thi a; mi 40 an hliam bawk a, chu'ngte chu hliam ná mi 18 leh hliam tenau mi 22 an ni.
Lirthei chetsualna thleng 62-ah thi an awm a, chetsualna pangaah hliam na tak awmin, hliam tenau tuar awmna chetsualna pakhat a awm a, hliam awm miah lohna accident vawi khat a awm bawk.
Traffic Police chuan, lirthei neitu/khalhtute'n ṭangkai taka lirtheite an hman mék laiin, lirtheia chuangte leh kawnga kea kalte tan hun rei lo te chhunga thihna leh kumkhaw chawr lohna thlen theitu a nih thu an tarlang a, "Fimkhur thar zel turin kan inchah e," an ti.