Kutkawih eizawnna chungchang zirho

Ministry of Micro, Small and Medium Enterprise leh PHD, Chamber of Commerce & Industry chuan nimin khan IPR conference hall-ah 'National SC-ST Hub: Entrepreneur Awareness & Special Vendor Development Programme' an buatsaih a, Rural Development& Administration minister Prof. Lalnilawma'n a hmanpui.

PHE Minister chuan, khawvel ṭhang zelah kutkawih eizawnna (entrepreneurship) chu India ram leh Mizoramah a ṭhang duang hle tih sawiin, "Sorkar inrelbawlna kawnga pawimawh tak leh ṭhalaite cho phûrna pawimawh ber zinga mi a ni a, National SC-ST Hub hi chumi kaihhnawih thil ṭangkai ber pakhat a ni," a ti a; Hub-in a ken tel kutkawih eizawnna kaihhnawih scheme-te hmang ṭangkai turin kalkhawmte a chah.

Khawvel hmun dang ang bawkin Mizoramah pawh ṭhalaite chu hna zawngtu ni mai lo a, mi dangte tana eizawnna siamsaktu nih tum tel turin Prof. Lalnilawma chuan a chah a; kutkawih eizawnna a mi hlawhtling leh mithiam zawkte aṭanga inzir turin ṭhalaite a chah bawk.

Inkhawm hi PHDCCI chairman A Tovi Chophi-in a kaihruai a; NSSH in-charge Siba Barua chuan NSSH Scheme chungchang a sawifiah. Mithiamte'n GeM, public procurement policy (PPP), banking support, etc. hmangin kalkhawmte thil pawimawh an zirtir a ni.