Darkar 24 chhunga thianfai turin Bawrhsapin contractor-te a hrilh

Serchhip DC Paul L Khuma chuan nimin khan a pisaah Kikawn-Sailiamkawn inkar kawng, chak zawk leh ṭha zawka enkawl a nih theih nan kawng enkawltu Urban Infratech Pvt Ltd a pisaah a koa, chhiatna a thlenin darkar 24 chhunga thian-fai ṭhin turin a hrilh.

Bawrhsap chuan tun hnaiah ruah sur nasa avanga leimin a awm nual thu sawiin, "Contractor-ten a hun taka an then fai loh avangin mipuiin harsatna an tawk ṭhin. Tun chinah chuan chhiatna a thlen atanga darkar 24 chhunga thian fai zel tawh ang che u. Tuna leimin-in kawng a hnawh ho zawng zawngte pawh ni khat chhunga thianfai vek rawh u," a ti.

A thusawite an zawm lo a nih chuan BNSS 152 leh DM Act, 2005 hnuaiah dan angin contractor-te chungah hian hma lak a nih tur Bawrhsap chuan a sawi.