MLA-te'n Mizoram House-te an enfiah

Mizoram Legislative Assembly-a Subject Committee-II member-te chuan state hrang hranga Mizoram House-te tlawhin an enfiah.

Enfiahna hi Committee chairman Lt Col. Clement Lalhmingthanga'n a ho a, member zingah H Ginzalala, Dr R Lalthangliana, Dr K Beichhua, R Rohmingliana leh Lalramliana Papuia te an tel a; Mizo damlo inenkawl, Mizoram House-a thleng mekte an kan nghal.

Mizoram House dinhmun zirchianna hi September 7, 2026 khan ṭan niin, September 12 thleng a awh dawn a; Bengaluru, Mumbai, Kolkata leh Guwahati-a Mizoram House-te an tlawh. Mizo mipui tana Mizoram House pawimawhna leh ṭangkai dan te, Mizoram House kalpui dan te, a dinhmun mek te, harsatna an tawh leh hmasawnna awm theite an zir a ni.

Subject Committee-II member-te hi Assembly Secretariat official-te'n an ṭawiawm a, GAD official-te leh Mizoram House enkawltute'n an lo dawngsawng. An zirchianna report leh rawtna an neihte chu sorkar bawhzui turin Assembly House-ah pharh a ni ang.