SASCI Part-VIII inhrilhfiah

Animal Husbandry & Veterinary department chuan nimin khan State Vety Polyclinic Hospital conference hall-ah SASCI Part-VIII inhrilhfiahna an buatsaih a, AH&Vety secretary Lalsangliana'n a hmanpui. AH&Vety director Dr Lalrotluanga'n a kaihruai a, district hrang hranga Vety officer leh paravetsan 165 an tel.

Tarlan danin, SASCI Part-VIII hnuaiah India rama state hrang hrangte chu ranvulh kaihhnawih (livestock sector)-ah tehfung (criteria) chi ruk hmangin an inel a; state ti ṭha ber hnenah financial assistance cheng vbc 100 pek a ni dawn.

SASCI Part-VIII hnuaia inelnaah hian state/union territory 31 chu category A, B, C, D-ah ṭhen a ni a; Mizoram chu Arunachal Pradesh, Delhi, Goa, Manipur, Nagaland, Puducherry, Sikkim leh Tripura te nen category D-ah an awm a ni.