Pawikhawihna tuartute hnenah zangnadawmna Rs 1,28,50,000 sem

Gauhati High Court judge Justice Nelson Sailo, Mizoram State Legal Services Authority (MSLSA) executive chairman chuan nimin khan Kolasib-ah Victims of Crime Compensation Scheme, 2011 chungchang zirhona a hmanpui a, mi 29 hnenah zangnadawmna Rs 1,28,50,000 a sem.

Inkhawma tarlan danin, Victims of Crime Compensation Scheme kaltlang hian MSLSA aṭangin pawikhawihna tuartute hnenah zangnadawmna Rs 16,68,52,000 pek chhuah tawh a ni.

Justice Nelson Sailo chuan, zangna-dawmna dawngtute'n zangnadawmna sumn eng zat pawh dawng se, an rilru náte a thawi dam dawn loh thu a sawi a, "Amaherawhchu, in sum dawn hi eng emaw kawng tala naupangte'n ṭha taka an seilenna turah a ṭanpui ka beisei," a ti a; pawisa an dawn chhan hre chiang a, ṭangkai taka hmang turin dawngtute a chah. Kolasib bawrhsap H Dolianbuaia'n thu a sawi bawk.

Justice Nelson Sailo hian Kolasib District Prison and Correction Home leh Fast Track Court building sak mek a tlawh bawk a; MSLSA member secretary Vincent Lalrokima, Kolasib DC leh SP bakah, Kolasib-a judicial officer-te leh District Legal Service-a thawkte;n an ṭawiawm a ni.