Minister-in Ngopa damdawi-in a tlawh

Minister of state F Rodingliana chuan September 10, Ningani khan a bial Lengteng constituency-a Ngopa Community Health Centre (CHC) a tlawh a, nikuma leiminin a tihchhiat a enfiah.

Ngopa CHC chu sak ṭhat tuma hmalak a nih mek laiin September 9, 2025 khan a thlanga leiminin damdawi-in hmun ṭhenkhat a minpui a, OPD building leh choka luah ngam a ni lo. Damdawi-ina awm ngai damlote leh bungruate chu Joint NGO puihnain Ngopa Chhimveng YMA Hall-ah dah lailawk a ni.

Bialtu MLA ho hian sorkar official-te leh khawtlang hruaitute'n VC House-ah hmalak dan tur an sawiho a; OPD building chu a rang lama ṭhiah a, sak ṭhat a nih hma chuan Ngopa H/S Venga Youth Development Centre chu OPD atan hman rih an rêl.

Ngopa CHC thar tur chu khum 50 awm theihna tura sak tum a ni a; a rang lama sak a nih theih nan a remchan anga MLA fund leh department hrang hrang aṭanga sum thawh khawm turin an rêl bawk.