MZP-in hnam dang thawhna petrol pump-te khâr turin an hriattir

Mizo Zirlai Pawl (MZP) Gen. Hqrs chuan, Mizorama hnam dang (vai) enkawl leh thawhna petrol pump-te chu September 17, 2026 aṭanga khâr turin an hriattir.

MZP hian MZP headquarters, sub-headquarters, branch leh hnam pual zirlai pawla an thawhpuite chu an huam chhunga petrol pump inkhârte chhinchhiah tur leh a ṭul anga petrol pump neitute hming leh an sumdawnpui hnam dangte chhinchhiah vek turin an hriattir bawk.

MZP chuan nimin khan thuchhuah siamin, Mizorama hnam dang, Mizo hming hawh leh hnam dang sumdawng an pung chho zel chu an vei thu an tarlang a, "Hei hi hnam anga min chîmralna kawng hawngtu zau tak a nih avangin kan ngaimawh hle. A tawp thlengin hma kan la zel dawn," an ti.