Union Sports Minister a rawn zin

Nimin khan Union Youth Affairs and Sports minister of state Raksha Nikhil Khadse chu ni hnih chám turin a rawn zin a, Lengpui Airport-ah Sports & Youth Services minister Lalnghinglova Hmar leh official-te'n an lo hmuak.

Raksha Nikhil Khadse hian SAI Contact Sports Centre, Mission Vengthlang a tlawh nghal a, MY Bharat Mizoram aiawh, Mizoram Olympics Association aiawh leh sport association aiawhte a kâwm.

Lalnghinglova Hmar chuan, Mizoram sorkarin infiamna tihchangtlun leh hmasawnna atana hma a laknate tarlangin, Mizoramin national level leh international level-a hlawhtlinna a tawnte a sawi. Mizoramin Hockey Academy for Boys a mamawh thu te, state sorkarin Vision Olympics 2036 atana hma a lak mek dan leh ruahmanna a siamte Union Minister a hrilh.

Mizoram Olympics Association leh football, hockey, badminton, archery, weightlifiting pawl aiawhte pawhin an hmalakna leh an mamawhte an lo thlen a; Union Minister hian theihtawp chhuaha a bawhzui dawn thu a sawi.

Contact Sports Centre-a an inkawm zawh hian Raksha Nikhil Khadse hian Saitual a pan a, nizan khan a riak a, vawiinah Kolasib a tlawh leh dawn a ni.