NH-02 thawm ṭhat mek endik

Mizoram State Project Monitoring Committee (MSPMC) chuan nimin khan Serchhip district-a National Highway (NH)-02 kawngpui dinhmun leh thawm ṭhat mek dan an enfiah.

MSPMC Inspection Team hian NH-02 siam meka hna ṭha tawk lo leh tlo lo lutuk chu a hmunah an zir a, kawng chhiat zualna laite chu satellite hmanga location chhinchhiahna differential global positioning system (DGPS) leh drone hmangin an endik.

Kawng chhuat siamna bituminus conctrete (BC) sample te, kawng siamtu contractor-te'n kawng khuar an hnawhna hmanrua leh mixed plant material te chu uluk zawka endik turin a sample an la bawk.

Inspection team hian Serchhip leh Chhhiahtlang by-pass road te, Ser-chhipa General Pool of Accomodation (sorkar quarters building) sak mek leh Bungtlanga hna thawktute hmunhma (hot mixed plant) an tlawh nghal a ni.