Police-in kuhva rah an man

Khawzawl police-te chuan September 14, Thawhṭanni khan hmun pahnihah Myanmar aṭanga dan loa lak luh nia hriat kuhva rah an man.

Khawzawl police-te chuan Thawh-ṭanni tlai dar 2:30 velah Lalchhanpuia (26), Champhai Zotlang khalh TATA 407 truck MZ-01 G-4737 leh Lalremruata (28), Champhai Zotlang khalh TATA 407 truck MN-01 9010 aṭangin kuhva rah ip 32 ve ve an man a, a vaiin kg 5,120 a ni.

Thawhṭanni tlai 4:30 vel khan Khawzawl police-te chuan Tuifar lui bul kawng sirah kuhva rah ip 21 (kg 1,680) an man leh a; kuhva neitu nia inchhal an la awm lo.