Union Minister of State-in Kolasib dist hotute a kâwm

Union Youth Affairs & Sports minister of state Raksha Nikhil Khadse chuan nimin khan video conferencing kaltlangin Kolasib district-a sorkar hotute leh tlawmngai pawl aiawhte a kâwm a, infiamnaa hmasawn theihna tur a sawipui.

Raksha Nikhil Khadse chuan, Kolasib district-a infiamna chi hrang hrang a ṭhan zel theih nan leh infiamna hmunhmate tihhmasawn a nih theih nan duhsakna a hlan a; ṭhalaite zingah infiamna lama chak zawka hmalak a nih theih nan MY Bharat, Kolasib nen ṭanghoa hmalak a ṭul thu a sawi.

Kolasib aṭang hian district bawrhsap H Dolianbuaia hoin sorkar hotute leh pawl aiawhte an tel a; sorkar department hrang hrang hotute'n an department hmalakna leh hnathawhte an sawifiah bakah, Minister zawhnate an chháng a ni.