Bar Council-ah Linda L Fambawl; Mizoram aṭanga member hmasa ber

Bar Council of Assam, Nagaland, Mizoram, Arunachal Pradesh, Nagaland & Sikkim executive member atan Linda L Fambawl ruat a ni a, Mizoram aṭanga Bar Counil member hmasa ber a ni dawn.

Supreme Court-in August 4, 2026-a Writ Petition (Civil) No. 581 of 2024 (Yogamaya M.G. Vs Union of India & Ors.) with Writ Petition (Civil) No. 1060 of 2025 a thutlukna a siam angin, State Bar Council-ah hmeichhe member pahnih - nomination leh co-option chungchang sawiho turin Gauhati High Court chief justice Justice Ashutosh Kumar chuan Assam, Nagaland, Mizoram, Arunachal Pradesh leh Sikkim Bar Council-a elected member zawng zawng a ko khawm a ni.

Chief Justice hoa ṭhutkhawmah hian hian State Bar Council-a hmeichhe member pahnih dah/thlanna tur chungchang sawiho a ni a, chumi hnuah member turin Mizoram aṭangin Linda L Fambawl ruat a ni.

Linda L Fambawl hian kum 2005 khan Campus Law Centre, University of Delhi aṭangin LLB a zo a, kum 2008-ah assistant public prosecutor leh assistant government advocate niin Aizawlah a thawk ṭan. Kum 2012-ah government advocate leh additional public prosecutor atan Gauhati High Court, Aizawl Bench-ah a kai a, kum 2024 aṭangin additional advocate general leh public prosecutor atan high court-ah ruat a ni.