PWD-in Zohnuai - Ropaiabawk kawng tlahniam an siam mek

September 15, Thawhlehni tlai dar 5-a Zohnuai to Ropaiabawk kawng, Vaivakawna tlahniam chu siamṭhat hna chu PWD-te'n September 16 aṭang khan an thawk ṭan.

Sorkar thuchhuah tarlan danin, lei tlakhniamna hmun hi bialtu MLA Lalnghinglova Hmar, minister of state hoin Bialtu Corporator leh PWD hotute'n an enho tawh a ni. September 16 khan Zonal Officer, Zone VII hovin SP (Traffic) Geology & Mining, PHE leh PWD hotute leh Vaivakawn Local Council Chairman-te'n an endik bawk a ni.

He kawng hi PWD Aizawl Road North Sub-Division III hnuaiah a awm a, tun chinah hian tui haw dangtu speedbreaker an siam a, drain tifaiin tui put dan nan cement concrete an phah a, luikawrah pipe vuahin culvert-ah tui an paih thla bawk a ni.

Fimkhur takin Geology & Mining dept nen tangkawpin lei a chet leh chet loh thlir reng a ni a, tui lut zel tur control a nih hunah temporary restoration (kawng hnawh, lungrem) tih chhunzawm a ni ang. Zirchianna leh endikna azirin hma lak dan tur ngaihtuah chhunzawm zel tur a ni.