Parliamentary Conference-ah Speaker tel

Mizoram Legislative Assembly speaker Lalbiakzama chu September 13-20, 2026 chhunga South Africa khawpui Cape Town-a neih mek Commonwealth Parlia-mentary Conference vawi 69-naah a tel.

Conference-ah hian khawvela paliamentary system chawisan zelna leh ram hrang hrangte'n rualkhai zawka hma an sawn theihna tur thupui hrang hrang sawiho a ni a; 'Artificial Intelligence in Parliament: Current Applications, Prospects and Implementation Strategies' tih thupuiah Lalbiakzama chu India palaite aiawha lead speaker atan ruat a ni.

Commonwealth Parliamentary Association hi British-in a awp tawh ram, parliamentary system hmanga ram rorelna kalpuitute intel khawm niin, ram 56 an tel a; kumina inkhawmpui thupui chu, 'Unity to protect multilateralism, observing international law for equality and development in the Commonwealth and beyond: The role of parliaments' tih a ni.

Speaker Lalbiakzama hi Legislative Assembly additional secretary Lalthang-mawia'n a ṭawiawm a ni.