Sikul pali computer hlan

Saitual District Mineral Foundation Fund aṭangin nimin khan primary school pali hnenah computer leh printer hlan a ni.

Bawrhsap chuan primary school tihhmasawnna tur sorkar laipui aṭanga scheme ruahman a nih ṭhin loh avangin DMF Fund remchang taka hman tur a lo awm chu lawmawm a tih thu a sawi a, zirtirtute leh zirlaite pawhin an computer set dawn te chu tangkai taka an hman theih nan duhsakna a hlan.

Computer leh printer hi Lamherh P/S, Luangpawn P/S, Vanbawng P/S-II leh Phuaibuang P/S-II te hnenah Saitual District Mineral Foundation Governing Council chairperson Srinivas Sadi, bawrhsapin a hlan a ni.