Police lâk rûnpui buatsaih dawn

Mizoram Police chuan thuchhuah siamin, police constable 350 (unarmed 150 leh armed 200) lak a ni dawn tih an tarlang.

Mizoram Police tarlan danin, police constable lakna advertisement chu Mizoram Police website-ah September 21, 2026-ah tarlan tum a ni a, chanchinbuah September 22, 2026-ah chhuah tum a ni. HSLC leh a tlukpui chin tan dil theih a ni ang.

Police constable 350 lak tura reservation awm dan tur chu - ex-servicemen tan 5% (UB 7 leh AB 10), meritorious sportsperson tan 5% (UB 7 leh AB 10), Mizoram Home Guard tan 10% (UB 15 leh AB 20) leh hmeichhe tan 33% (UB chauh post 50) a ni.

Hna dil chungchanga harsatna leh buaina nei an awm chuan district tina SP office-a Reserve Branch-ah zawhfiah theih a nih dawn thu Police thuchhuah chuan a tarlang.