Bawrhsap leh MJA inkâwm

Siaha district bawrhsap thar Saizikpuii chuan nimin khan a pisaah Mizoram Journalists' Aassociation (MJA) Siaha district member-te a kâwm a; district chhunga sorkar hmalakna mipui hriat tura puanzar kawnga thawhpuiah a sáwm.

Saizikpuii chuan, MJA-te chu Siaha district-a sorkar hmalaknate puanzar kawnga thawhpuiah sáwmin, an vei zâwngte leh ṭul leh pawimawhte a hnena thlen hreh loh turin a chah a ni.

Siaha District MJA president CZ Hluna pawhin thu sawiin, bawrhsap kaihhruaina hnuaiah thu dik leh belhchian dawl thehdarh turin theihtawp chhuah an tum thu a sawi.