MLA-in public interview buatsaih

Aizawl East-II bialtu MLA B Lalchhanzova, minister of state chuan nimin khan a bial chhunga Tuithiang Veng Local Council House-ah a duh apiang tana hmuh theih turin publice interview a buatsaih a, veng chhunga pawl ṭhenkhat leh mi eng emaw zatin an mamawhte leh harsatnate an thlen.

B Lalchhanzova chuan, mipui harsatna sukiang turin theihtawp chhuah zel a tum thu a sawi a, "Vawi leh khatah mipuite harsatna hi chinfel duak theih ni lo mah se, a tahtawla hmalak zel ka tum," a ti. MLA hian Tuithiang Middle School hnenah inverter a pe a, Tuithiang Health Centre tan BP enna leh lehkhabu bâwm a pe nghal.

Aizawl East-II MLA hian a bial chhunga Armed Veng South, Saron Veng leh Chhinga Vengah te public interview a lo buatsaih tawh a, a tahtawlin veng hrang hrangah neih a tum a ni.