Minister-in Luhkapui Portal a tlangzarh

Health & Family Welfare minister Lalrinpuii chuan nimin khan a pisaah Health department leh Information and Communication Technology department buatsaih 'Luhkapui Portal' a tlangzarh a, October 1, 2026-ah hman ṭan theih a ni dawn.

Luhkapui Portal hi damdawi zawrh phalna license dilna an thehluhna atan te, dan hnuaia endik hnua license pek chhuah lehna tur atana department leh mithiamte'n an hman ṭangkai tura ruahman a ni.

Lalrinpuii chuan, sorkar laipuiin ram chhunga eizawnna leh sumdawnna hrang hrangte zalen leh langtlang zawka kalpui a nih theih nan dan leh hrai ṭhenkhat thlahdul tura a hriattirna, De-regulation 2.0 hnuaiah ngaih pawimawh bik (priority area)-te thlir chungin Luhkapui portal chu buatsaih a nih thu a sawi.

Health Minister chuan, Portal hman dan leh kalpui danah chak leh langtlang taka tih a nih theih nan theihtawp chhuah turin thawktute a chah a, "Sorkar inrelbawlnate samkhai zawka kalpui hi sorkar laipui leh Mizoram sorkarin an ngaih pawimawh ber pakhat a ni," a ti.