Hâlpuah leh hâlmawi khap a ni

Aizawl District Magistrate chuan thu­­pek chhuahin, November 1, 2019 aṭanga thla hnih chhungin Aizawl district-ah hâlpuah, hâlmawi leh silai lem, a mu kap chhuak theite khap a nih thu a puang.

Khapna thupek hi Krismas leh kum thar lawmna vuakvêtah hâlpuah leh hâlmawi chi hrang hrang hâl ṭhin a nih avang leh thil ṭha lo leh hlauhawm a thlen theih avanga chhuah a nih thu tarlan a ni a; thupek zâwm lo leh bawhchhiate chu dan anga hrem an nih tur thu tarlan a ni.

1.    Mi tumahin phai lam emaw, hmun dang aṭangin hâlpuah leh hâlmawi, silai lem, a mu kâp chhuak thei chi reng reng an la lut tur a ni lo.

2.    Krismas leh kum thar vuakvêtah mi tumah­in hâlpuah leh hâlmawi an zuar/hralh tur a ni lo a, an hâl tur a ni hek lo.

3.    Silai lem, a mû kap chhuak thei leh inkah palh hlauhawm chi reng reng zawrh leh hralh khap tlat a ni.