Kohhran ṭhalaite'n thisen an pe

Kohhran hrang hrang ṭhalai pawl pakuate chuan September 19, Inrinni khan Mizoram pumah thisen unit 367 an pe.

Civil Hospital, Aizawl tan Salvation Army Youth (SAY) Central North Division chuan unit 102 pein, petute mipa 82 leh hmeichhia 20 an ni a; KṬP, Tlangnuam Branch-in unit 30 pein, petute mipa 25 leh hmeichhia panga an ni. PYD, Hunthar Veng leh Ṭhuampui ten unit 14 ve ve an pe a; ABTYP-te'n unit 5 an pek bakah, mimala pe (individual voluntary donor) mi panga an awm bawk.

SAY Central South Division-in ZMCH tan unit 95 pein, petute mipa 83 leh hmeichhia 12 an ni a; STP, Aizawl Area-te'n STP Day pualin Synod Hospital tan unit 32 an pe a, petute mipa 28 leh hmeichhia pali an ni.

Evangelican Church of Maraland hnuaia KTP, Chakhei Pastor Bial chuan Siaha District Hospital tan unit 40 pein, petute mipa 37 leh hmeichhia pathum an ni a; ṬKP, Hnahthial North Bial pawhin Electric Vengah unit 35 an pe a, petute mipa 29 leh hmeichhia paruk an ni.