Red Ribbon School Quiz 2026-ah Loroto Play School an champion

Mizoram State AIDS Control Sociaty (MSACS) chuan September 17-18, 2026 chhung khan Ignite Studio, Aizawlah Mizoram pum huap Red Ribbon School Quiz Competition an buatsaih a; Lunglei district aiawha tel Loroto Play School, Lunglei pakhatna an ni.

Red Ribbon School Quiz Competition hi HIV/AIDS chungchang inzirtirna atana buatsaih a ni a; Mizorama district tin (11)-a district level Red Ribbon Quiz-a pakhatna ṭheuh telin an intihsiak a ni.

Intihsiakah hian Loroto Play School, Lunglei pakhatna niin, Rs 30,000 leh nomawi an dawng a, National AIDS Control Organisation buatsaih Regional Level Quiz Competition, Shillong-a neih turah Mizoram aiawhin an tel ang.

Pahnihna Ryusa Elementary School, Siaha-in Rs 20,000 leh nomawi dawngin, pathumna BC Lalthlamuana English Academy, Champhai-in Rs 10,000 leh nomawi an dawng a; palina Presbyterian English School, Hnahthial-in Rs 5,000 an dawng bawk.