Sukanya Samridhi Account inzirtir

Lungleia awm Assam Rifles-te chuan nimin khan Siaha bula Maubawk Vengthar community hall-ah 'Lecture on Su­kanya Samridhi Account' an buatsaih a, Sukanya Samridhi Account chung­changa thil pawimawhte mipui an hrilhfiah. 

Sukanya Samridhi Account hi sorkar laipui prog­ramme pakhat Beti Bachao, Beti Padhao hnuaia siam a ni a, January 22, 2015 khan prime minister Narendra Modi-a'n a hawng a; hmeichhe naupang nei nu leh pate'n sum an dah khawlna tura duan a ni.