TZP-in Freshers’ Social hmang

Tuipuiral Zirlai Pawl (TZP) chuan September 19, Inrinni khan Chanmari YMA Hall-ah Freshers’ Social an hmang a, minister Lalrinpuii'n hmanpuiin, TZP ruby jubilee sou-venir a tlangzarh.

Lalrinpuii chuan, Tuipuiral chu pipu hmun hlui tam tak awmna, khualzin hîpna hmun pawimawh tak tak awmna a nih thu a sawi a; zirlaite chu HIV/AIDS lakah inveng tur leh invawng thianghlim tlat turin a fuih.

Khualzahawm Ramthanmawia, East Tuipui bialtu MLA pawhin thu a sawi a; zirlai ti ṭha mi paruk hnenah MLA Award (laptop) a hlan. Mizo Award 2025 dawngtu B Lalthangliana leh mi dangte'n thu an sawi bawk.

Chawhnu lamah Mizoram State AIDS Control Society-in HIV/AIDS awareness campaign hun an hmang a, HIV/AIDS vei leh vei loh hriat nan thisen endik nghal a ni.