PZP-in zirlai ti ṭhate chawimawi

Pang Zirlai Pawl (PZP) Joint Headquarters chuan September 19, Inrinni khan IPR Auditorium, Aizawlah Páng zirlai Aizawla awm tharte lawmna leh zirlai ti ṭhate chawimawina hun an hmang a, MLA Robert Romawia Royte-in a hmanpui.

Robert Romawia Royte chuan, zirna chu a ṭha zawnga danglamna thlentu a nih thu a sawi a, "Kan Bible hian dâwt sawi a phal lo mai ni loin, dâwt sawi ṭhinte chu thlarau bawlhhlawh a ti hial. Hetiang a nih laia Mizorama dâwt leh thu belhchian dâwl lo a lêng vel hi Mizoram tan a pawi hle a ni," a ti.

Inkhawm hi PZP vice president Lallawmzuala'n a kaihruai a, zanriah an kilho nghal a ni.