FEMSE conference resolution

Federation of Mizoram Samagra Employees (FEMSE) chuan nimina Aizawla General Conference an neihah resolution an pass a, an resolution-te chu November 20, 2019 hma ngeia sorkar aṭanga thu lawmawm an hmu lo a nih chuan, an kal zel dan tur ngaihtuah leh an tum thu an tarlang.

FEMSE hian MJA kaihhruaiin kum 2019-21 chhunga an pawl office bearer turte an thlang nghal bawk. FEMSE resolution chu a hnuaia mi hi a ni.

1.    Sorkarin 'SSA leh RMSA hnuaia thawkte dinhmun kan siam ṭha ang' a tih angin, FEMSE-in regular teacher pay scale kan dilna hi a hlawhtlin theih nan sorkarin chak takin hma min laksak rawh se.

2.    School Education department hnuaia hna ruak hnawhkhah tur a awmin, a lo thawk tawh sa leh experience nei zawk Samagra hnuaia thawkte tan special scheme, sorkar department danga a lo siamsak tawh angin SSA leh RMSA hnuaia thawkte tan reservation min siamsak rawh se.