MHIP Gen.Hqrs. aṭanga lehkha chhuak ni lote ngai pawimawh lo turin ngen

MHIP Gen.Hqrs. chuan thuchhuah siamin, MHIP Gen.Hqrs. aṭanga lehkha thawn chhuah ni lote chu ngai pawimawh lo turin MHIP member-te an hriattir a, MHIP Gen.Hqrs. aṭanga thuchhuakte erawh chu ngai pawimawh turin an ngen nghal.

MHIP thuchhuah chuan, MHIP Gen. Hqrs. office bearer ni laite chu Gauhati High Court order hmangin August 28, 2019-ah Central YMA kaih­hruainain felfai taka thlan chhuah an ni tih a tarlang a, "Ballot box tihchingpen chungchanga inpuh­mawhna awm pawh MHIP Gen.Hqrs. chuan Court-kutah a dah a ni," a ti.

MHIP Gen.Hqrs. office bearer-te leh sub-headquarters office bearer-te chu nimin khan Aizawla MHIP pisa­ah ṭhukhawmin, MHIP buaina chungchang an sawiho a, MHIP Gen. Hqrs. president Lalthla­muani'n a kaihruai.

Meeting chuan, "MHIP Gen.Hqrs OB ni laite hi Gauhati High Court-in inthlang tura a tih anga felfai taka in­thlanna CYMA kaihhruai­na hnuai­ah neih niin, hruai­tu atana member-te'n duh taka kan thlan an nih avangin chak takin hma la chhunzawm zel se. An kaihhruaina hnuaia awm hi thlamuanthlak kan tiin, keini MHIP sub-hqrs. hruaitute hian theihtawp chhuahin kan thláwp zel ang," an ti a ni.