Mizorama khaw 700 velah ruihhlo chungchang inzirtirna nei dawn

Mizorama khaw 700 tuam chhuakin ruihhlo do leh a kaihhnawih thil chi hrang hrang inzirtirna buatsaih tum a ni a, state pum huap, district huap leh khaw bil (village) huapa hmalak a ni dawn.

Ruihhlo do inzirtirna buatsaih tur hi 'Awareness & Capacity Building under National Action Plan for Drugs Demand Reduction Scheme under Ministry of Social Justice & Empowerment, Govt of India' tih a ni a, Central YMA bawhzui tura tih a ni. Hemi chungchang ngaihtuah hian nimin khan Social Welfare secretary Lalzarmawii hoin SWD hotute leh Central YMA hruaitute an ṭhukhawm.

Ministry of Social Justice & Empowerment hian awareness atana sum hman tur first instalment chu a sanction tawh a, CYMA account-a thun turin tihfel a ni tawh. Inzirtirna atan hian master trainer eng emaw zat ruat an ni a, standardised traning module siam a ni dawn a ni.