National Games co-host tura ngenna Minister hoin sawiho

Kum 2027-a neih tur 39th National Games-ah Mizoram chu ritchawi (weightlifting) intihsiak thleng tura ngen a ni a; chumi chungchang chu nimin khan Sports & Services minister Lalnghinglova Hmar hoin a pisaah sawiho a ni.

39th National Games hi Meghalaya-in February - March, 2027 chhungin a thleng dawn a; hmarchhak state hrang hrangte chu infiamna (discipline) pakhat ṭheuh thleng (co-host) tura beisei niin, Mizoram chu weightlifting inelna thleng tura beisei a ni.

Sorkar thuchhuah tarlan danin, Sports minister Lalnghinglova Hmar hian Meghalaya Sports Minister leh Northeast Sports hotute a bia a; Mizoramin weightlifting a thleng dawn a nih chuan sum ruahman chungchang leh a hmunhma turte a sawipui. Sorkar laipui aṭangin thu chiang zawk ngaihchân mek niin, thutlukna felfai tak siam a la ni lo a, mumal zawka inbiakna leh inbuatsaihna kalpui zel tum a ni.